ស្ថានភាពជំរុំជនភៀសសឹក

ខេត្តព្រះវិហារគឺជាខេត្តសំខាន់នៃបញ្ហាជនភៀសសឹកនាពេលបច្ចុប្បន្ន ដោយមានប្រជាជនជាច្រើននាក់ក្នុងចំណោមអ្នករងគ្រោះរាប់ពាន់នាក់ដែលត្រូវបានបង្ខំឱ្យចាកចេញពីផ្ទះដោយសារការប៉ះទង្គិចព្រំដែនជាមួយប្រទេសថៃ ដោយមានគ្រួសារជាច្រើនបន្តរស់នៅក្នុងជំរកបណ្ដោះអាសន្ន ដែលសង់ឡើងពីតង់ប្លាស្ទិក។

បញ្ហានេះក៏បានប៉ះពាល់ដល់ វិស័យអប់រំផងដែរ ដោយសារសាលារៀនជាច្រើនកន្លែង នៅក្នុងខេត្តត្រូវបានបិទ បណ្តាលឱ្យសិស្សច្រើនជាង ១៥ម៉ឺននាក់ ត្រូវបានខកខានឱកាសក្នុងការចូលរៀន។

តាមការរាយការណ៍នៅថ្ងៃទី ២ សីហា ឆ្នាំ២០២៥ មានគ្រួសារ ១៣,១៦០ គ្រួសារ ស្មើនឹងប្រជាជន ៣៤,៣៣៦ នាក់ ពី ៧ ឃុំ ក្នុងចំណោម ៨ ឃុំ ក្នុងស្រុកជាំក្សាន្ត ត្រូវបានបញ្ជូនចេញទៅទីទួលមានសុវត្ថិភាពnនៅតាមតំបន់។ នៅក្នុងចំណោមនេះ ក៏មានប្រជាពលរដ្ឋខ្លះបានទៅស្នាក់នៅជាមួយក្រុមគ្រួសារ និង មិត្តភក្តិ។ ក្រៅពីនេះ មានគ្រួសារ ៩,៦៨០ គ្រួសារ ស្មើនឹងប្រជាជន ៣១,៩០៤ នាក់ កំពុងស្នាក់នៅតាមទីតាំងសុវត្ថិភាពដែលបានកំណត់ចំនួន ១៥ កន្លែង និងនៅជាមួយក្រុមគ្រួសារ នៅទូទាំងខេត្តព្រះវិហារផងដែរ។